पाणीप्रश्‍न सोडवण्यासाठी लवकरात लवकर दुहेरी पाईपलाईनचे काम पूर्ण करणार : पालकमंत्री
सोलापूर : सोलापूरकरांचा पिण्याच्या पाण्याचा प्रश्न सोडवण्यासाठी लवकरात लवकर दुहेरी पाईपलाईनचे काम पूर्ण करणार असल्याचे पालकमंत्री दत्तामामा भरणे यांनी शुक्रवारी स्पष्ट केले. ‘एस न्यूज मराठी’ च्या तिसऱ्या वर्धापन दिन सोहळ्यात सायकल विशेषांकाचे प्रकाशन पालकमंत्र्यांच्या हस्ते पार पडले. यावेळी जिल्हाधिकारी मिलिंद शंभरकर , उद्योजक गिरीश दर्बी उपस्थित होते. सायकल विशेषांकाच्या प्रकाशन सोहळ्यास विरोधी पक्षनेता अमोल बापू शिंदे, किसन जाधव , चेतन नरोटे, धनगर समाजाचे नेते केशव माने, मनीषा माने, काँग्रेसच्या हेमा चिंचोळकर, आदी उपस्थित होते. कोरोना काळात आपण स्वतः आणि जिल्हाधिकारी मिलिंद शंभरकर यांनी शासकीय रुग्णालयातील कोरोना वॉर्डमध्ये जाऊन प्रत्यक्ष पाहणी केल्याचे पालकमंत्र्यांनी स्पष्ट केले.
एस न्युज मराठीतर्फे पालकमंत्री दत्तामामा भरणे, जिल्हाधिकारी मिलिंद शंभरकर आणि उद्योजक गिरीश दर्बी यांचा स्मृतिचिन्ह आणि झाडाचे रोप देऊन सत्कार करण्यात आला. एस न्यूज मराठी चैनल प्रमुख शिवाजी सुरवसे यांनी प्रास्ताविक केले. जिल्हाधिकारी मिलिंद शंभरकर यांनी चैनलच्या वर्धापन दिनानिमित्त शुभेच्छा दिल्या. कार्यक्रमाचे सूत्रसंचालन ऐश्वर्या हिवारे हिने केले. शिवानंद जाधव यांनी आभार मानले.
